Microsoft po pushon nga puna 3% të fuqisë punëtore, ose afërsisht 7 mijë punonjës, raportoi CNBC të martën.

Pushimet nga puna do të vlejnë për të gjitha nivelet dhe zonat gjeografike, dhe ka të ngjarë të jenë më të mëdhatë që kur Microsoft pushoi nga puna 10,000 punonjës në vitin 2023, sipas raportit, shkruan CNN, transmeton Klankosova.tv.

Kompania pushoi nga puna një numër të vogël punonjësish në janar për shkak të problemeve që lidhen me performancën, por shkurtimet e fundit nuk lidhen me këtë dhe janë të përqendruara në shkurtimin e niveleve të menaxhimit, thuhet në raport.

Microsoft nuk iu përgjigj kërkesës të Reuters për koment lidhur me këtë çështje.

Ndërsa inteligjenca artificiale po shfaqet si një motor i madh rritjeje, kompanitë e mëdha të teknologjisë kanë investuar para në këtë fushë, ndërkohë që kanë ulur kostot diku tjetër për të mbrojtur kufijtë e fitimit.